THIRD STAKEHOLDER CONSULTATION OF THE MALAYSIAN-EUROPEAN COMMISSION ON FOREST LAW ENFORCEMENT, GOVERNANCE AND TRADE VOLUNTARY PARTNERSHIP AGREEMENT- FLEGT-VPA 16th-17th March 2008

Usi kui jam kuri tam aleng jam marung meeting anih. Bi te 16-17 bulan telo dih, te kui tei dahin wakil Kenyah, Kelabit dahin Hivan (SADIA); dahin kuri kuri wakil men NGO (SAM, Wetland International, Malaysia Nature Society) ha beh dahin men wakil pelitah dahin timber industry lahuh tei tengaran nuno tuk seng na kayo (timber industry) tam legal, iha atih ja lim kayo aleng en teveng dahin juen alem Malaysia ngioh undang undang Malaysia dahin Sarawak.
Te pah pelitah muvui meeting anan avin daha Eropa seng em kaseh mele kayo men Malaysia aleng en company (kayo) neveng secara haram. Anih nah kayo aleng en teveng hawang kawasan aleng uh en pelitah nada (licensed area) ngavan ala kayo dahin aleng em ngioh udang udang Sarawak. Isu aleng hangat lan iha nah nuno tuk marung kayo aleng en ala alem NCR, seng legal atau nusi. Usi payan butet marung anih bi isu anih uh en petula kerei nih te alem daleh tam Malaysia. Harep seng te perubahan.
Lan na, usi balei men itam alem PKS nangen atau mun PKS seng tei japa mesyuarat nunih avin usi tei gunah na kurin daha. Bi alem urip demokrasi, mijat kelunan atau kumpulan aleng deng nemei udang ngioh kenep daha dahin penu. Aleng deng en tam na iha nah bara aleng kenep tam dahin nun aleng berlaku te hang tam ja daha beh dahin daha aleng hipun kuasa jam ala na alem kenep daha.
Sayu kenep kui akui te tei. Usi kui jam awi seng te connection na, bi awi kelo ineng surat dengah jarun inih, ji dengah aleng tutek tula iha nah marung illegal logging. Mina usi kah te kaitan na dahin meetin anan, bi aleng ngavak hituk lan iha nah isu illegal logging anih aleng tavit pelitah mepeng lim stakeholder tei japa meeting anan.

Traditional Knowledge

Kayan Tribe is known for their bravery during the head hunting era in Borneo before 1841 when the so called White Raja ruled the state. Since then the tribe is known for their rich heritage in arts and culture.Folk Stories more often, fictious stories are passed down from generation to generation such as the stories about the "Lebui and Duyu". Also about "Apau Lagan" and so much more.
Traditional Heritage covers the necklace, bracelets, hats, skirts,ear ring, body tatoos, and many more.
Usi kui jam salin traditional knowledge alem dahun tam. Awi te aleng jam, sayu bara ja telo deng pakei dahun tam aleng tepet.
Usi ha sayu seng lung menuna kurik avin lan pah iha ket menuna, bi iha marung urip kerei nih.
Te daha SBC (Sarawak Biodiversity Centre) maveh akui tei dahin Pemanca Laing Jok ha KL tei kelenghi marung hen anih. Kauh na iha nah power point/PDF aleng ek na marung anih. Penting lan jam na itam Kayan seng ngetneng dahin ngalung marung TK tam (TK tua daha pakei kerei nih) ja tam deng claim ano aleng asen tam dahin nun aleng em asen tam. Alem te aleng jam loh marung TK tam, sayu tam mepeng na ja ha te ateng baya.

Uh anih naa, ek asuk kah alem website anih uk iduk marung tekna ja tam jam marung nun anan tekna. Alem iha nunan, ngenep kui dahin PKS seng mepeng nun nun lung dahin tekna ja ha em pade em payan daha aleng jam tekna tekna dahin lung lung nunan tei melek itam avin kenan uku. Itung matoh dahin nangen itam mepeng TK nunih, akui sanggup seng mele (lan na sagu hati tua) lung lung ngioh nunih:
Lung  Lung tua: RM50 alem CD dahin text atau kalung na. Tekna asen (epics): RM100 alem CD. RM200 alem CD dahin Text. Alem usu kui kerei nih iha nah: Tekna Belawan, Tekna Aban Balan, Tekna Usung, Tekna Ledang Keliun Aran. Tekna beh menuh anih tua aleng deng ek pelemana.